Op Maandag 23 Julie het Hoërskool Strand se dogters o.18A en B-spanne  kragte teen ‘n Engelse toerspan van King’s School in Worcester gemeet.

Die 18A-span se wedstryd is in ‘n baie goeie gees gespeel en daar was goeie hokkie vanaf beide spanne.  Strand het die eerste helfte gedomineer en ‘n doel aangeteken om teen rustyd met 1-0 voor te loop. Hierdie doel is deur Jeandri Agenbag geslaan.  Die Engelse het egter teruggeveg en die eindtelling was 1 elk.

Die 18B-span se uitslag was 1-0 in Strand se guns. Rochelle Roos het hierdie doel aangeteken.

Die meisies  het dit baie geniet om na die tyd saam met die Engelse spelers te kuier.  Sommer gou het hulle agtergkom die taal is die enigste struikelblok, indien daar wel ‘n struikelblok moes weesa  Dit het behoorlik gegons in die Kindertrustsentrum soos die meisie gesels het. Vriendskappe is vinnig  gesmee en ons hoop om weer so ‘n geleentheid te kan kry.

Die ouers wat oorsese spelers gehuisves het, is dit eens dat dit ‘n wonderlike geleentheid vir ons spelers is om ‘n bietjie hul visie te verruim en blootstelling aan die onbekende te geniet. Ouers word ook aangemoedig om in die toekoms hierdie geleentheid te gebruik en toerspanspelers in te neem.