Op Maandag 23 Julie het die o.18 A-, o.17 A- en o.16A-netbalspanne onderskeidelik teen The King’s School van Worcester (Engeland) se o.18 A-, B- en C-spanne gespeel. Alhoewel ons buitelandse teenstanders reeds twee weke van toer en wedstryde agter die rug gehad het, het hulle begeesterd en gedetermineerd opgedaag. Die wedstryde is in goeie gees gespeel en spelers van beide skole moes hard werk om hul teenstanders te uitoorlê. Strand moes speel vir elke doel wat aangeteken is. 16 A en 17 A het ook vir die eerste keer 4 kwarte gespeel, waar by ligawedstryde daar net 2 helftes van 15 minute gespeel word.

Vir die spelers en ouers wat die buitelandse spelers gehuisves het, was dit beslis een van ons aangenaamste ervaring met ‘n toerspan. Die Strand-leerders het verskeie kere genoem hoe jammer dit was dat die gaste vir net een aand kon kuier.

Die o.18 A’s verloor 22-28, die o.17 A’s wen (teen King’s 0.18 B) 12-6 en die o.16 A’s wen (teen Kings o.18 C) 22-6.